Мен (тегі, аты және әкесінің аты толтырылатын нысанда көрсетіледі) «Prive Longevity» ЖШС-ге, БСН 180740008293, мекенжайы: Қазақстан Республикасы, Алматы қ., Ақжар ш/а, Ер Төстік көшесі, 3-үй, 12-корпус, 23-пәтер/кеңсе, менің дербес деректерімді төмендегі шарттарда жинауға және өңдеуге келісім беремін.
Келісімнің мақсаты ол берілетін нысанмен айқындалады: тапсырысты ресімдеу және орындау; жеке кабинет құру және пайдалану; менің өтінішімді қарау. Әрбір нысан үшін оған қажетті мақсаттар мен деректер ғана қолданылады.
Деректер тізбесі: менің ТАӘ, ұсынылған байланыс мәліметтері; жеткізу үшін — мекенжай және тапсыру туралы қажетті мәліметтер; тапсырыс үшін — оның құрамы, нөмірі, құны, төлем, жеткізу және қайтару мәртебелері; кабинет үшін — тіркеу мәліметтері және әрекеттер тарихы; өтініш үшін — оның мазмұны және қажетті қосымшалар. Сондай-ақ келісімнің күні, уақыты, нұсқасы және фактісі, нысан немесе тапсырыс идентификаторы және әрекетті растау мен Сайтты қорғау үшін қажетті техникалық мәліметтер өңделеді.
Рұқсат етілген әрекеттер: жинау, жазу, жүйелеу, сақтау, нақтылау, пайдалану, төменде белгіленген көлемде беру, бұғаттау, иесіздендіру және жою немесе құрту. Артық деректер мен жаңа мақсаттар осы келісіммен қамтылмайды.
Үшінші тұлғаларға беруге таңдалған мақсатты орындау үшін мына алушыларға жол беріледі: Tilda Publishing — Сайт, нысандар, себет және өтінімдер базасы (CRM) орналастырылған платформа — тапсырыстар, өтініштер және тіркеу деректері; DEEX — курьерлік қызмет, Сатушымен шарт бойынша Қазақстан бойынша жеткізу — алушының ТАӘ, телефоны, мекенжайы, сәлемдеме туралы мәліметтер — Қазақстан Республикасы; CDEK — Сатушымен шарт бойынша халықаралық жеткізу — алушының ТАӘ, телефоны, мекенжайы, сәлемдеме туралы мәліметтер — тапсырыстың межелі елі; «Kaspi Bank» АҚ — төлемдер мен қайтаруларды жүргізу — операция туралы қажетті мәліметтер — Қазақстан Республикасы; WhatsApp және Instagram (Meta Platforms, Inc., АҚШ; ЕО пайдаланушылары үшін — Meta Platforms Ireland Ltd.) — тапсырыс бойынша хабар алмасу және жеке келісім болған кезде ғана жарнамалық хабарламалар — телефон нөмірі немесе пайдаланушы аты, хат алмасу мазмұны; Google (Gmail) — дүкен қызметкерлеріне тапсырыстар мен өтініштер туралы e-mail-хабарландыруларды жеткізу — тапсырыс немесе өтініш деректері. Тізбе келісім нысанында көрсетіледі немесе оның сақталған редакциясына тікелей сілтеме бойынша қолжетімді. Мемлекеттік органның міндетті сұрауы бойынша заңды беру тиісті негізде жүзеге асырылады.
Осы келісім бойынша трансшекаралық беру таңдалған функцияға, жеткізу еліне және пайдаланылатын арнаға байланысты. Оның параметрлері: Қазақстан бойынша жеткізумен тапсырыс берген кезде Google (Gmail) арқылы e-mail-хабарландыруларды жеткізуден басқа трансшекаралық беру талап етілмейді; халықаралық жеткізу кезінде — CDEK межелі елге; WhatsApp немесе Instagram арқылы байланысқан кезде — Meta Platforms (АҚШ/Ирландия). Әрбір жағдай үшін деректер санаттары мен мақсаттары 4-тармақта және Құпиялылық саясатында келтірілген. Жеке қосымша келісімді талап ететін беру оны алғаннан кейін ғана орындалады. Толтырылған мәліметтердің болмауы кез келген елге беруге келісімді білдірмейді.
Осы келісім бойынша менің деректерімді жалпыға қолжетімді көздерде таратуға рұқсат етілмейді. Жарнама және дербес деректері бар пікірлерді жариялау оның мақсаттарына кірмейді.
Келісім міндеттемелердің орындалуын ескере отырып, нысанда көрсетілген мақсатты орындау үшін қажетті кезең ішінде қолданылады. Мақсатқа қол жеткізілгеннен кейін одан әрі сақтауға заңда көзделген негіз болған кезде ғана және қажетті мерзімде жол беріледі. База орны: Қазақстан Республикасы, Tilda Publishing платформасы (tilda.kz), Қазақстан Республикасының аумағындағы серверлер.
Мен келісімді info@pureintegra.com арқылы немесе мына мекенжайға поштамен кері қайтара аламын: Қазақстан Республикасы, Алматы қ., Ақжар ш/а, Ер Төстік көшесі, 3-үй, 12-корпус, 23-пәтер/кеңсе. Кері қайтарудың салдары және заңда көзделген шектеулер Құпиялылық саясатында баяндалған. Он бес жұмыс күні ішінде, егер оны жалғастыру заңмен талап етілмесе, өңдеу тоқтатылады не маған дәлелді бас тарту беріледі.
Келісім алдын ала толтырылмаған чекбоксты белгілеу және тиісті нысанды жіберу арқылы не менің ерік білдіруімді растауға мүмкіндік беретін өзге тәсілмен беріледі. ТАӘ, күні, уақыты, мәтін нұсқасы, таңдалған мақсат және келісім фактісі электрондық жазбада тіркеледі. Мен Құпиялылық саясатымен (/kz-privacy-policy) таныстым.